هغيب فيكي
محمد ضباشه
عضو اتحاد كتاب مصر 🇪🇬
هغيب فيكي ومش راجع
مادام قلبك ما بِيعَدِّيش
سفين حُبِّي وأشواقي
ونبضة صدق ما تخبيش
بأن الْحُب ل هو جاني
ولا جاني وما بيشجيش
ولا عودي بقوس عودك
ينادي ع القمر ما يجيش
لأنه في مدار ظنك
عذاب ناره ما بتنجيش
مِن الوحدة ومِن غربة
ومِن إحساس ما بيصحيش
حنان نظرة تقابلني
تخلى الساعة ما تمشيش
ولا أسمع أذان قلبي
يقول الهجر ما يوضيش
قلوب واقفة على قِبْلَة
ومن خوفها ما بتصليش
فلا ذنبى ان كان حبك
ف قلب حروف ما تعرفنيش
جريت بيها يومين يمك
وجه يمك ما ركبنيش
على موجة تلاقينا
فكيف بحرك ما غرقنيش ؟
ولا قلبك بلا نبضي
ولو كابر سنين هيعيش
د لو صادق فى إحساسه
وكان كاسي ما بينسيش
مجلة شعراء العصر الحديث 