نصيحة … ابني حقولك نصيحة و اسمعني يا ابن الناس حافظ على قرشك بدونه راح تنداس دا ان مال عليك الزمن راح تعرف معادن الناس فى زمنا أجدع شنب لصاحب القرش خده مداس تلاقيه يبوس الإيد ويتمحلس و يوم ما تخلص فلوسه اول من عليه حيدوس حافظ على صحتك دا الصحة كنز و ماس الصحة تاج يا ابني يشوفها المريض ع الراس عَمر بيت الخلود و أسس بحسن خُلق فى قبرك حارس و طاعة الله فى العلن والسر اسجد لربك بقلبك و قدس ادعيه و الجأ له هو القدوس وادعى نشوفه فى جنة الفردوس.🙏 أنوار عبد الرحمن
مجلة شعراء العصر الحديث 