لمين أفضفض
✍️ فتحية علي عبد النبي
لمين أفضفض لمين هقول
ومين يلبي مطلبي
تعبت ياناس من السكوت
الحق على قلبي الغبي
لاحد سألني مالك
ولا صحبة قالت لي
رجعالك
وغصب عني أنا بشتكي
صرخت من كتر الألم
وصرختي بقى ليها صوت
بقى من الأماني حقيقي
الموت
منا عمري أتسرق مني
ومش بأيدي مطلوب أعيش
دوري في الحياة
وأبص في كل أتجاة
وأضحك وفي عيني دمعتي
وحلمت بأيام الهنا
طب ليه يادنيا
أشمعنى أنا
تعبت من كتر الحمال
هو أنا صخر من الجبال
شقيت والصحة راحت
لكن العوض على الله
يعوضني عن حظي الشقي
مجلة شعراء العصر الحديث 