عيشي حكايتك ✍️ فتحيه على عبد النبي
أنتي فين أحساسك راح عيشتيني
ليه فجراح
بتفهميني أنك مرتاحه هو دا قصدك
صعب حياتك تاني فبعدي
لا ياحبيبتي
اصل أنا عارفك
كل الحب دا ومش عجبك
مانتي ماعشتيش الي أنا عشته
مانتي مادوقتيش مر جراحي
طب أنا هابعد يمكن
شايفه دا لمصلحتك
عيشي حكايتك
على الله تكوني كدا مرتاحه
فين أيام حبك ليه
فين الشوق فين الحنيه
أنتي نسيتي كلامك ليه
و بتردي بكلام جارح
هو دا أحساسك بيا
والله أنتي صعبتي عليه
والله صدمتني بردك
وانا الي فاكرك
لو كل العالم ضدي
أنتي بكل الدنيا بقلبك
بكرى الأيام تيجي عليكي
وتندمي على يوم جيتي عليه
عيشي حكايتك
مجلة شعراء العصر الحديث 