فات وقتك ✍️ فتحيه على عبد النبي
فات وقتك ياله أمشي وخد معاك
كل الي جرى بينا مش عايزك
ولا عايز ذكرى أنا منك
تفكرني بعزابي معاك
ياله أمشي ولا ترجعش مكنتش
على المستوى المطلوب لحب كبير
أنا هانسى كل شيئ وأبعد عن التفكير
في خيال كداب وأدوس على قلبي
الي خلاني أضعف لك
بنيت في يوم عليك كل أمالي
كان قلبي محتويك
كان ليك قصر عالي
وضربت لي المثل فالغدر وهدم الأماني
سراب وليل عتمة ياقلبك الخالي
أوهمتني أنك حبيب الروح
يادهب قشرة
وهانت كمان عليك ياخاين العشرة
أتبدل كل شيئ فالتوا واللحظة
وأنا الي من بين الناس
فضلتك
مش عايز أشوفك حتى فعالم النسيان
بطلت أعيش أنا في الأوهام
كانت غلطة
عمرك معاية ياخسارتك
مجلة شعراء العصر الحديث 