رحلة فى الملكوت
………واناف الدنيا قبل ما اموت🌸
…………و يتحول كلامي سكوت
………سبحت بروحي ف الملكوت
………..كأن شريط حياتي بفوت
ف قبري هاكون لوحدي اكيد………🥲
لا اهلي ولا اللي كنت باريد………….
وقلقي ف كل لحظة بزيد………..
ووحشة وخوف حقيقي شديد…….
🧡……..ياقلبي يا يا مبتلى بغرور
………………..كفاية تلف بي تدور
………….هقيد ف القبر شمعة ونور
………………..ابدل وحشته بسرور
سألنبي ازاي؟؟
جاوبت عليه🌺
❤️بجزء يوماتي م القران…………….
وبصلاتي على العدنان………………….
هاحس ف وحدتي بأمان………………
و قبري هيتفرش بحنان…………………
،❤️………………قراءة سورة الرحمن
……………….ف وقت الفجر لما يبان
……………………تبدد زحمة الاحزان
………………وتطرح زعفران وريحان
❤️على يميني وانا ف القبر…………….
بونسني الرضا والصبر……………………
ف دنيايا كرهت الكبر……………………..
فعوضني الاله بالجبر……………………..
❤️………..ووجه بشوش على شمالي
………………..يطمن قلبي على حالي
………………..جزاء صدقة على مالي
………………….وافعال خير بتحلالي
❤️وسورة الكهف قصر كبير………….
وتوب اخضر خيوطه حرير…………….
وعصافير ف المكان بطير……………….
وصوت جمبي كانه خرير………………..
❤️………………بالاستغفار مع التوبة
…………………..وترك الكدب والغيبة
………………..وحفظ لساني م العيبة
……………..هاكون من ربي انا قريبة
❤️تطمني الصلاه والصوم……………….
كأن الموت شبيه بالنوم……………………
وحلم جميل ف اخره هقوم……………….
وانا باسبح ف نهر واعوم
❤️…………وينفخ اسرافيل ف السور
………………….ونخرج كلنا ف حبور
…………..على الصفين ملايكة وحور
………………….يقابلونا بعود وبخور
❤️رسولنا الغالي يتكلم…………………..
ويدعي ربنا يسلم……………………………
نعدي بدون ما نتألم………………………..
ونحضن بعض ونسلم…………………….
يرد القلب ويقولي
❤️……………..هنفرش قبرنا استغفار
……………..والف صلاة على المختار
……………وصدقات تطفي جمر النار
……………….وزي الخضر نبني جدار
ناهد الموجي
شاعرة مصرية
مجلة شعراء العصر الحديث 