فوقي ياتؤمي ✍️ فتحيه علي عبد النبي
********************************
مش لوحدك طول عمري زيك
نفس مشاكلك
مع أنك بعدتي عني مش بلومك
كنتي في غربه
والغربه صعبه
كنت حابه
تفتكري رحله مرت علينا
أنا وأنتي غادره
كنتي في وادي وأنا في وادي
أنا بعتزر عن أي غلطه
كانت في موقف
علينا عدا !!
الدنيا ياما علينا قاست
نسينا فيها طعم المحبه
عدت ليالي
كنت بقول فينك ياصحبه
نزلت دموع
من عيني حارقه
والعمر يجري ما لهوش محطه
مش ضعف مني
دي حكاية زمان
علينا علم هارفع شراع مركبي
كفايه يادنيا
لا تعندي
وهاعدي بيه على موكبي
وأوصل
في يوم لكوكبي وأمسك
نجوم السما
دا حلم من أحلامي أنا !!
فوقي بقى ياتؤمي
قبل ما يجي يوم تندمي
وعلى قد ماتقدري
ألحقي تمسكي ولأحزانك
لا تستسلمي
وأخر رسالتي
عايزه أعيش ذكرياتي تاني أليا عودي أنا محتجالك
مجلة شعراء العصر الحديث 