كنا لسه صغار
كنت بالعب ع الطريق
أطفال وكوره شراب
عيل كبير شاطها وجري
بصيت … لقيتني شباب
لمة وفرح
معازيم كتير
مأذون
وكتب كتاب
مبروك يا عريس
بعده جالك ولد
مبروك نجح
- بقوا العيال شباب
وف يوم صحيت م النوم لقيت
واحد غريب ع الباب
شايب
وفيه تجاعيد كتير
بيبص باستغراب
أتاريه دا وشي
ودي المراية
وعُمر عدى سراب
أنا نفسي أصرخ
يا اما!
وأصحى في حضنها
يطلع دا حلم ف نوم تقيل
وتقول: كابوس كداب
دا انا لسه كنت على الطريق
بلعب بكورة شراب!
مجلة شعراء العصر الحديث 