صَلِّي فى قبلة سَيِّدك
محمد ضباشه
صَلِّي فى قبلة سَيِّدك
واسجد جشع لجل الجنية
هو اللى بس هيوعدك
وينصبك سيد وبيه
هذا قانون هينجدك
لا فيه عتب إزاي وليه
ولا مواده تبعدك
عن جيب وكان مشتاق إليه
فان كنت ناوي تحصده
من عقل مِتْسَنْكَر عليه
خايف يميل به الزمن
أو يتركب م اللى حامية
فكر ومخمخ ترصده
فى يوم كفيف طالع عينيه
فصل لباس أرندلي
أقرع مقصه مفتري
هتحش غيط كل الجيوب
فيحسدوك على انت فيه
إبلع فى جوفك الضمير
يطلع وينزل لولبي
وانزل على سوق الحمير
تلقى المعلم مغربي
هيعلمك صوت النعير
تلهط وتشرب مشربي
يعني من الآخر كده
هتلاقى شلته منجدة
وتعيش ولا عيشة الملوك
واحنا جيوبنا مقددة
ونلعن اللى فى يوم جابوك
لكن وليه سيدنا الغبي
ما فهمت قصدي ومطلبي
إن الحرام ياخد الحلال
ويدفنه من غير تقى
وكل من كان اتظلم
يصرخ ألم يوم اللقا
يا ربنا اللي نهب
وابو لهب تبت يديه
مجلة شعراء العصر الحديث 